នៅល្ងាចថ្ងៃទី៣១ ខែកក្កដា ឆ្នាំ២០២៥ លោកជំទាវបណ្ឌិត ចាន់ សុទ្ធាវី ប្រធានគណៈកម្មការនីតិកម្ម និងយុត្តិធម៌នៃព្រឹទ្ធសភា (គណៈកម្មការទី៦ព្រឹទ្ធសភា) បានអញ្ជើញអមសម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់សភានៃព្រះរាជាណាចក្រកម្ពុជា ចូលរួមពិធីបិទសន្និសីទប្រធានសភាពិភពលោកលើកទី៦ (6th WCSP) នៅក្នុងទីក្រុងហ្សឺណែវ ប្រទេសស្វីស ប្រកបដោយលទ្ធផលផ្លែផ្កាគួរជាទីមោទនៈ ដោយមានគណៈប្រតិភូសភាជាង១០០ ប្រទេសបានចូលរួម។
បន្ទាប់ពីបានពិភាក្សាគ្នាយ៉ាងផុលផុសក្នុងរយៈពេល៣ថ្ងៃ សន្និសីទដែលតែងតែប្រារព្ធធ្វើនៅក្នុងរយៈពេល៥ឆ្នាំម្តង បានអនុម័តសេចក្តីប្រកាសកម្រិតខ្ពស់មួយ ដែលគូសបញ្ជាក់ការជំរុញបន្ថែម នូវសន្តិភាព យុត្តិធម៌ និងវិបុលភាពនិងពង្រឹងការចូលរួមរបស់សភាជាមួយអង្គការសហប្រជាជាតិ។
ប្រភព៖ ការិយាល័យជំនួយការគណៈកម្មការទី៦ព្រឹទ្ធសភា
